Tahir uit Protea-span
2012-12-13 11:19
Kaapstad – Die Proteas se bybreekbouler Imran Tahir is uit die toetsspan weggelaat nadat hy nie daarin kon slaag om tydens die toer in Australië te beïndruk nie.
Krieket Suid-Afrika het Donderdag die name van 13 spelers vir die toetsreeks teen Nieu-Seeland bekendgemaak.
"Elf van die spelers het in die toets in Perth gespeel terwyl Rory Kleinveldt en Jacques Rudolph elkeen twee toetse gespeel het," het die nasionale keurder Andrew Hudson tydens die spanaankondiging gesê.
"Dit was 'n moeilike besluit om Imran Tahir weg te laat, maar ons moet
die bydrae van Robin Peterson in die Perth-toets erken. Hy het 'n groot
rol gespeel in ons oorwinning. Imran bly egter deel van ons planne vir
die toekoms," het Hudson bygevoeg.
Suid-Afrika se eerste toets teen die Kiwi's is vanaf 2 tot 6 Januarie in Kaapstad waarna die tweede en laaste toets vanaf 11 tot 15 Januarie in Port Elizabeth gespeel word.
Proteas se toetsgroep
Graeme Smith (kaptein), Hashim Amla, AB de Villiers, Faf du Plessis, Dean Elgar,
Jacques Kallis, Rory Kleinveldt, Morne Morkel, Alviro Petersen, Robin Petersen, Vernon Philander, Jacques Rudolph, Dale Steyn
Vir die jongste sportnuus volg Nuus24Sport op Twitter.
– Sport24
