Stigter van Twintig20 gee raad
2010-02-05 04:20
Melbourne – Die stigter van die Twintig20-krieketwedstryd het gesê die bestuur van krieket moet versigtig wees om te veel van die 20-boulbeurt formaat te skeduleer, ongeag die spel se gewildheid onder spelers en aanhangers.
Stuart Robertson, wat dié formaat sowat 10 jaar terug in sy destydse rol as bemarkingsbestuurder vir Engeland en die Walliese Krieketraad ontwerp het, het gesê hy is nie verras oor die spel se sukses nie.
Hy het Donderdag gesê die Twintog20-wedstryde bly tans op provinsiale en nasionale vlak as die mees effektiefste formaat in krieket.
Die spel behoort egter meer vir plaaslike kompetisies in krieketlande gespaar te word of as ‘n dryfveer dien om krieket na nuwe markte te neem.
Die gewildheid van die spel kan ander lande soos Amerika en China ook motiveer om die sport te oorweeg.
Robertson, nou die korporatiewe direkteur vir die Engelse span, Hampshire het gesê die Twintig20’s loop die risiko van uitsterwe.
"Twintig20-wedstryde was aanvanklik ontwerp as 'n sport vir lande, state of provinsies en om die getal kykers op plaaslike vlak in ‘n krieketlande weer op te stoot,” het Robertson aan die Australian Associated Press gesê.
"Om een of twee internasionale Twintig20-krieketreekse te hou is nie ‘n probleem nie, maar solank hulle dit nie oordoen nie. Twintig20-wedstryde kan ‘n punt bereik waar dit te veel word."
Twenty20."