Steyn en Tsotsobe laat Indië steier
2010-12-26 16:44
Durban – Dale Steyn en Lonwabo Tsotsobe het Indië Sondag laat sukkel op die eerste dag van die tweede toets by die Sahara-stadion in Kingsmead, Durban.
Die besoekers het teen teetyd op 168/8 gestaan.
Suid-Afrika het die loot gewen en gekies om te boul.
Steyn en Tsotsobe het albei twee paaltjies ingepalm. Steyn het teen teetyd met indrukwekkende syfers vir 4-36 van 14 boulbeurte gespog.
Tsotsobe, wat 15 lopies in sy eerste twee boulbeurte voor middagete afgestaan het, het teruggeveg en het met teetyd op 2-30 van nege boulbeurte gestaan.
Hy het na middagete die groot paaltjie van Sachin Tendulkar ingeoes.
Virender Sehwag, wat die kolfvertoning saam met Murali Vijay begin het, het aggressief begin, maar die bal het van sy buiterand na Jacques Kallis op tweede glip geskiet.
Dít was Steyn se eerste paaltjie.
Vijay was Steyn se tweede slagoffer en Rahul Dravid sy derde.
Die vangskoot van die dag vir die paaltjie van VVS Laxman, is benut deur Tsotsobe vir Steyn se vierde paaltjie.
Rahul Dravid en Vangipurappu Laxman het toe 38 lopies vir die vierde paaltjie aangeteken voor Dravid deur Mark Boucher uitgevang is.
Kort daarna is Laxman, wat 38 lopies aangeteken het, deur Tsotsobe teruggestuur kleedkamer toe.
Indië het toe op 130-5 gestaan en Cheteshwar Pujara was toe die volgende kolwer wat moes terugstap.
Die Indiese kaptein MS Dhoni staan op 18 en Harbhajan Singh op 2.
Swak lig en reën het intussen spel gestaak en Indië staan op 186/6. Die wedstryd word Maandagoggend 09:30 hervat.
Spanne:
Suid-Afrika:
Graeme Smith (kapt), Alviro Petersen, Hashim Amla, Jacques Kallis, AB de Villiers, Ashwell Prince, Mark Boucher (paaltjiewagter), Lonwabo Tsotsobe, Dale Steyn, Paul Harris, Morne Morkel.
Indië:
Murali Vijay, Virender Sehwag, Rahul Dravid, Sachin Tendulkar, Vangipurappu Laxman, Cheteshwar Pujara, Mahendra Singh Dhoni (kapt, paaltjiewagter), Harbhajan Singh, Zaheer Khan, Ishant Sharma, Shanthakumaran Sreesanth.
Bly op op hoogte van al die jongste sportnuus deur Nuus24Sport op Twitter te volg
- SAPA