Sri Lanka stel teiken van 267

2012-01-17 18:58

Kaapstad – Die Sri Lankaanse krieketspan het op ‘n mak kolfblad in Bloemfontein 266 lopies aangeteken vir die verlies van nege paaltjies.

Suid-Afrika jaag dus ‘n teiken van 267 om te wen.

Vir die Sri Lankane het Upul Tharange (58) en Nuwan Kulasekara (40) die grootste bydraes met die kolf gelewer.

Vir Suid-Afrika het Morné Morkel (2/65) die meeste paaltjies geneem. Die Proteas het ‘n goeie vertoning in die veld gelewer, wat weerspieël is deur die feit dat drie Sri Lankaanse kolwers uitgehardloop is.

Hou Nuus24 dop vir die uitslag van die wedstryd.

- Volg Nuus24Sport op Twitter
 

- Nuus24