Snelboulers bring Pakistan van stryk

2013-02-14 13:34

Kaapstad – Pakistan het Donderdag teen middagete op 60/4 te staan gekom op die eerste dag van die tweede toets teen Suid-Afrika in Kaapstad.

Morné Morkel het twee paaltjies geneem terwyl Dale Steyn en Vernon Philander elk 'n paaltjie platgetrek het.

Pakistan moes weens beserings twee veranderings aan die span vir Nuweland maak.

Die naatbouler Junaid Khan sukkel met 'n dyspierbesering en is deur Mohammed Irfan vervang, wat sy toetsdebuut op 30-jarige ouderdom maak.

Rahat Ali het ook las van 'n besering en word deur die 34-jarige naatbouler Tanvir Ahmed vervang.

Die Proteas se kaptein, Graeme Smith, het vroeër die dag die loot gewen en besluit om eerste te boul.

Suid-Afrika loop tans 1-0 voor in die reeks van drie toetse, ná 'n oorwinnig van 211 lopies oor Pakistan in die eerste toets op die Wanderers.

Klik hier vir die volledige telbord.

Vir die jongste sportnuus volg Nuus24Sport op Twitter.

– Sport24