Smith vingeralleen na SA

2010-02-18 14:37

Kolkata – Die kaptein Graeme Smith gaan, na afloop van die Proteas se beslissende toets teen Indië in Kolkata, na Suid-Afrika terugkeer.

Die Proteas se mediese span het vandag (Donderdag) bevestig dat Smith later vanaand na Suid-Afrika vlieg om dadelik met die rehabilitasie van sy vingerbesering te begin.

Hashim Amla sal ná die toetsreeks in Indië aanbly. Sy insluiting in die eendagspan sal Suid-Afrika pas aangesien hy tans uitstekend speel.

Amla se aanvanklike weglating uit die Proteas se eendagspan was uiters omstrede en moeilik om te regverdig.

Jacques Kallis sal die Proteas in hul drie eendagwedstryde teen Indië aanvoer.

- Sport24

Gee jou mening oor hierdie gesprek - lewer hieronder kommentaar