Smith tree nié uit as kaptein
2011-12-29 20:45
Durban – Terwyl gerugte dat hy dit oorweeg om as kaptein uit te tree Donderdag op sosiale netwerke die ronde gedoen het, het Graeme Smith ontken dat hy beplan om te bedank ná sy span se vernederende nederlaag teen Sri Lanka op Kingsmead in Durban.
'n Inskrywing op Twitter het dit laat lyk of Smith bedank het, en het selfs gesê hy was ongelukkig met die spankeuse vir die volgende toets in Kaapstad.
"Dis glad nie die geval nie," het Smith na die wedstryd gesê.
"Solank as wat Gary [Kirsten] en die span my in die pos wil hê, sal ek die werk doen.
"Vir solank as wat ek gesoek word as kaptein, sal ek ingaan en die werk doen na die beste van my vermoë.
"Ongelukkig, wanneer 'n mens verloor soos ons vandag gedoen het, is daar teleurstellende stories daar buite, maar ek dink daardie een was 'n bietjie te veel."
– Vir die jongste sportnuus volg Nuus24Sport op Twitter.
- SAPA