Smith: SA spelers sal aan IPL deelneem
2010-03-01 17:00
Kaapstad- Die Protea-kaptein Graeme Smith sê Suid-Afrikaanse krieketspelers gaan ten spyte van sekerheidskwessies Indië toe vir die Indiese Premierliga (IPL) later vandeesmaand.
"Ons is bewus van die sekerheidskwessies, maar ons is van sekere goed verseker."
Intussen gaan Smith nie vir die Cobras in die tweede been van die Pro20-halfeinstryd teen die Warriors speel nie.
Dié wedstryd word Woensdag gespeel.
Hy het voor die eendagreeks in Indië met 'n gebreekte pinkie teruggekeer na Suid-Afrika.
"Ek dink ek sal in die eindstryd (12 Maart) kan speel as die Cobras deurdring," het hy gesê.
– Sapa