Siddle se weglating die 'regte besluit' vir Aussies

2012-12-05 08:38

Melbourne – Die Australiese snelbouler Peter Siddle het gesê sy weglating uit die derde toets teen die Proteas was die regte besluit.

Hy het gereageer op kritiek dat sy weglating sy span benadeel het.

Siddle het Woensdag aan die Fairfax-nuusagentskap gesê deelname aan die derde toets kon moontlik ‘n langtermynbesering veroorsaak het, wat op die lange duur nadelig vir Australiese krieket sou wees.

Die snelbouler het nie in die derde toets teen die Proteas diens gedoen nie ná hy die laaste twee dae van die tweede toets vir die beseerde James Pattinson moes instaan.

Siddle het net drie dae gehad om te herstel vir die derde toets.

Die Proteas het die derde toets heeltemal oorheers en Australië met 309 lopies geklop.

“Natuurlik wou ek daar wees en my beste probeer om die wedstryd te wen, maar ná wat gebeur het by Adelaide (in die tweede toets), weet ek dat ek in die derde toets 'n besering sou opdoen en dan sou ons glad nie ‘n kans gestaan het nie,” het Siddle gesê.

“Ek dink ons het die regte besluit geneem.”

Australië begin volgende week ‘n toetsreeks van drie wedstryde teen Sri Lanka voordat hulle in Februarie na Indië sal reis vir vier toetswedstryde.

– Vir die jongste sportnuus volg Nuus24Sport op Twitter.
 

- Reuters