'Senior spelers maak verskil' – Ontong

2012-12-11 15:30

Kaapstad – Die Cape Cobras glo hulle beskik oor die nodige skietgoed om die gunstelinge in vanjaar se Eendagbeker-toernooi, die Highveld Lions, te klop, het OFM Dinsdag berig.

Die Cobras het die Titans Sondag met drie paaltjies in die halfeindstryd op Nuweland geklop om na die eindronde deur te dring.

Justin Ontong, die Cobras se kaptein, sê egter die Lions is ‘n baie ervare eenheid wat boonop nog tuisveldvoordeel ook in Vrydag se eindstryd gaan geniet. 

Hy meen die terugkeer van die span se nasionale spelers maak ‘n reuse verskil aan die groep. 

Ontong het bygevoeg dat die insette van die senior groep van onskatbare waarde vir veral die jonger spelers is.

Die Eendagbeker-eindstryd tussen die Cobras en die Highveld Lions begin Vrydag om 15:00 op die Wanderers in Johannesburg.

Vir die jongste sportnuus volg Nuus24Sport op Twitter.

– OFM