Proteas veg vir lopies
2013-01-19 14:52
Paarl – Die Proteas moes veg vir elke lopie teen Nieu-Seeland, en het ná 46,2 boulbeurte op 208 te staan gekom ná die span se kolfbeurt in die eerste eendagwedstryd.
Die tuisspan het eerste gekolf op 'n droeë blad op Bolandpark in die Paarl.
Mitchell McClenaghan het vier paaltjies geneem en kon 'n vyfde inpalm, maar is in die steek gelaat deur slordige veldwerk.
Kane Williamson het hom goed ondersteun en vier paaltjies van sy eie geëis.
Suid-Afrika se telling kon selfs laer gewees het, ná veldwerkers 'n bal van Graeme Smith laat val het terwyl hy net twee lopies op die telbord gehad het. 'n Bal direk van Quinton de Kock is ook laat val.
Rory Kleinveldt, wat op nommer nege gekolf het, het daarin geslaag om 26 lopies aan te teken van 20 balle, met drie uitstekende grenshoue.
Nieu-Seeland het op 'n gereelde grondslag paaltjies geneem, en Suid-Afrika het nooit werklik oorheers nie.
Faf Du Plessis het egter sterk gestaan met 'n telling van 57 lopies in 72 balle.
– Volg Nuus24Sport op Twitter.
- SAPA
