SA gasheer vir Twintig20-kampioeneliga
2010-04-26 20:31
Johannesburg - Ure voor Lalit Modi, voorsitter van die Twintig20-kampioeneliga, geskors is, is daar bevestig dat Suid-Afrika die gasheer vir dié toernooi sal wees.
Modi is geskors oor bewerings van korrupsie.
Organiseerders van die toernooi sê dié geleentheid sal vanaf 10 tot 26 September gehou word, maar dit is nie duidelik watter rol Modi, wat ook die voorsitter van die Indiese Premierliga is, gaan speel nie.
"Die beheerraad het Krieket Suid-Afrika se aanbod om gasheer vir die geleentheid te wees, aanvaar," lui 'n verklaring wat Sondag uitgereik is.
Die Kampioeneliga het gesê sy beheerraad sal na verwagting in Mei vergader om die besonderhede van die toernooi te finaliseer.
Australië se Nieu-Suid-Wallis het verlede jaar die se eerste internasionale Twintig20-Kampioeneliga-toernooi in Indië gewen.
– Sapa-AP