Richard Pybus bedank as breier van Bangladesj

2012-10-24 15:46

Kaapstad – Die Cape Cobras se voormalige afrigter Richard Pybus het Woensdag bevestig dat hy as afrigter van Bangladesj se nasionale krieketspan bedank het, omdat die voorwaardes van sy kontrak en administratiewe inmenging sy posisie onhoudbaar gemaak het

Pybus het sy nuwe pos vir slegs vier maande beklee.

In 'n onderhoud met ESPNcricinfo het Pybus die redes vir sy besluit uitgestippel en gesê die grootste oorsaak was die verskil tussen die kontrakvoorwaardes waartoe hy met Bangladesj se krieketraad (BCB) ingestem het en die voorwaardes wat in die eintlike kontrak was.

Pybus het gesê die BCB wou hê dat hy 320 dae van die jaar saam met die span deurbring, 'n verbintenis wat hy nie bereid was om te maak nie weens familieredes.

Lees die volledige storie hier.

Vir die jongste sportnuus volg Nuus24Sport op Twitter.

– Sport24