Proteas uit vir 388

2012-11-24 07:57

Adelaide – Die beseerde Jacques Kallis het Saterdag 'n vyftigtal gemoker en was in 'n 93-lopie-vennootskap saam met Faf du Plessis om die Proteas op die derde dag van die tweede toets in Adelaide op 388 lopies te laat eindig.

Suid-Afrika het die derde dag op 217/2 hervat in antwoord op Australië se eerstebeurt-telling van 550.

Graeme Smith (122) en Jacques Rudolp (29) het altwee hul paaltjies op 233 verloor.

Kallis (58) wat sy dyspier beseer het toe hy op die eerste dag geboul het, het op nr. 9 ingekom om 11 grenshoue en 'n ses te slaan voordat hy uitgehaal is.

Hoewel Du Plessis beïndruk het met 78 lopies in sy toetsdebuut is Australië steeds stewig in beheer op die Adelaide Oval.

Lees die volledige wedstrydverslag hier.

Vir die jongste sportnuus volg Nuus24Sport op Twitter.

- SAPA