Proteas sweet vir onbesliste uitslag

2012-11-13 09:22

Kaapstad – Die eerste kriekettoets tussen Suid-Afrika en Australië het Dinsdag onbeslis op die Gabba-krieketgronde in Brisbane geëindig.

Die Proteas was stewig in beheer op dag een toe Hashim Amla en Jacques Kallis elk honderdtalle in die eerste kolfbeurt aangeteken het en die besoekers die 400-kerf verbygesteek het.

Australië se kaptein, Michael Clarke, het egter 'n ongelooflike terugvegpoging gelei deur 'n dubbele honderdtal aan te teken en sy span se beurt op 565/5 te verklaar.

Suid-Afrika was Dinsdag op 166/5 in hul tweede kolfbeurt toe die twee spanne blad geskud het vir die wedstryd.

Die tweede toets begin Donderdag, 22 November, op die Adelaide Oval in Adelaide.

Lees die volledige wedstrydverslag hier.

Vir die jongste sportnuus volg Nuus24Sport op Twitter.

– Sport24