Proteas speel gou-gou klaar met Indië
2010-02-08 12:55
Nagpur – Dale Steyn het 'n ongelooflike sewe paaltjies platgetrek op die derde dag van die eerste kriekettoets teen Indië by die Vidarbha Krieketvereniging-stadion in Nagpur.
Die Proteas het kort na teetyd finaal met Indië se kolwers afgereken.
Die Suid-Afrikaners het die dag op 'n hoë noot afgeskop toe Steyn en Morné Morkel saam drie paaltjies binne die eerste uur platgetrek het, maar Virender Sehwag het teruggeveg en altesaam 109 lopies aangeteken.
Teen teetyd is Sehwag egter deur JP Duminy uitgevang en Indië se telling reeds tot 221 lopies vir vier
paaltjies beperk.
Indië het 'n moeilike wedstryd voor hulle, met Suid-Afrika wat 558 lopies vir die verlies van ses paaltjies aangeteken het in hul eerste kolfbeurt.
Die tweede en finale toets tussen die wêreld se top twee spanne begin op 14 Februarie in Kolkata, Indië.
Indien Suid-Afrika die toetsreeks wen, kan hulle as die wêreld se beste toetsspan aangewys word.
– Sapa-AFP