Proteas kolf eerste in PE
2013-01-11 10:15
Kaapstad – Die Proteas het die loot gewen en besluit om eerste te kolf op die eerste dag van die tweede toets teen Nieu-Seeland op St. Georgepark in Port Elizabeth.
Suid-Afrika loop tans 1-0 voor in die reeks van twee toetse na die Proteas met ‘n beurt en 27 lopies op Nuweland geseëvier het.
Vernon Philander, die Proteas se held in die eerste toets, sal nie in die tweede toets speel nie weens ‘n dyspier-besering.
Rory Kleinveldt vervang hom in die span.
Nieu-Seeland het twee veranderinge aangebring na hul groot nederlaag op Nuweland.
Neil Wagner en Colin Munro kom in vir die beseerde Chris Martin en James Franklin.
Die spanne lyk so:
Suid-Afrika:
Graeme Smith (kaptein), Alviro Petersen, Hashim Amla, Jacques Kallis, AB de Villiers (paaltjiewagter), Faf du Plessis, Dean Elgar, Robin Peterson, Dale Steyn, Rory Kleinveldt, Morne Morkel
Nieu-Seeland:
Brendon McCullum (kaptein), Martin Guptill, Kane Williamson, Dean Brownlie, Daniel Flynn, BJ Watling (paaltjiewagter), Colin Munro, Doug Bracewell, Neil Wagner, Trent Boult, Jeetan Patel
– Volg Nuus24Sport op Twitter.
- SAPA
