Proteas in beheer op die Gabba

2012-11-09 07:15

Brisbane – Suid-Afrika het die paaltjie van die kaptein Graeme Smith verloor, maar 'n stewige begin gemaak in die eerste toets teen Australië nadat hulle Vrydag die loot gewen het.

Smith het gekies om eerste te kolf op die Gabba.

Teen middagete was die besoekers op 90-1 nadat James Pattinson in die 11de boulbeurt toegeslaan het. Pattinson het Smith op 10 lopies been voor paaltjie betrap.

Dít was die enigste terugslag vir die span wat andersins sterk begin het.

Die aanvangskolwer Alviro Petersen staan op 'n onoorwonne 45 en Hashim Amla op 29.

Die Proteas, wat die wêreld se voorste toetsspan geword het ná 'n indrukwekkende reekssege in Engeland vanjaar, soek 'n herhaling van hul historiese reekssege van vier jaar gelede in Australië.

– Volg Nuus24Sport op Twitter

- SAPA