Proteas gly op IKR-ranglys

2011-11-22 15:39

Johannesburg – Die Proteas het een posisie na die derde plek teruggesak op die Internasionale krieketraad (IKR) se toetsranglys nadat hulle gelykop gespeel het in die toetsreeks teen Australië.

Australië het teruggeveg om die tweede toets op die Wanderers Maandag met twee paaltjies te wen nadat die Suid-Afrikaners in die eerste toets met agt paaltjies op Nuweland geseëvier het.

Engeland is steeds die beste toetsspan terwyl Indië in die tweede plek en Australië vierde is.

Graeme Smith, die Proteas se toetskaptein, het vyf plekke op die toetsranglys vir kolwers geval.

Hashim Amla het een plek na die sesde posisie geskuif terwyl AB de Villiers twee plekke na die 12de posisie geklim het.

Vir die jongste sportnuus volg Nuus24Sport op Twitter.

– Sport24