Proteas gaan swaar trek, sê Sangakkara
2011-12-11 18:35
Benoni – Die ervare Sri Lankaanse paaltjiewagter en kolwer Kumar Sangakkara dink die kans is goed dat sy span in die komende week in die eerste toets teen Suid-Afrika die wêreld vir die tuisspan gaan warm maak.
Dié opinie baseer hy op Suid-Afrika se rekord in Sri Lanka.
"Die Suid-Afrikaners het nog nooit regtig naby daaraan gekom om ons die laaste paar keer by die huis te klop nie," het Sangakkara gesê ná die besoekers se drie dae lange opwarmingswedstryd teen 'n Suid-Afrikaanse uitnodigingspan in Benoni.
Die veteraan het ook die moontlike rol wat draaiboulers in die wedstryd kan speel, beklemtoon.
"Suid-Afrika het altyd op spoed en vaardigheid met die bal staatgemaak wanneer dit kom by snelboul.
"Hulle het 'n goeie draaibouler in [Imran] Tahir so dit gaan interessant wees om te sien hoe hulle [draaiboulers] doen met paaltjies en of die paaltjies wat hulle neem genoeg gaan wees om wedstryde te neem," het hy gesê.
– Vir die jongste sportnuus volg Nuus24Sport op Twitter.
- SAPA