Proteas blom weer
2009-11-16 03:09
Centurion - Ten spyte van ‘n nederlaag volgens die Duckworth/Lewis-stelsel in die eerste t20-wedstryd teen Engeland het die Proteas die tweede wedstryd Sondag op SuperSport-park gewen.
Nie eers die reën kon die Proteas keer om Engeland met 84 lopies te klop nie en die reeks tot dusver gelyk op te speel met een wedstryd elk.
Graeme Smith en Loots Bosman het die wedstryd op ‘n goeie voet begin met ‘n wêreldrekord vennootskap van 170 voordat Smith deur Sajid Mahmood vir 88 lopies uitgevang is.
Suid-Afrika het paaltjies begin verloor maar Smith en Bosman het hul goed van hul taak gekwyt en die lopies het aanhou optel.
Bosman is uiteindelik deur Luke Wright vir 94 uitgevang.
Suid-Afrika het met 241 vir ses klaargemaak voor Engeland dié telling, die tweede hoogste in internasionale T20 krieket, moes probeer klop.
Engeland het hul 20 boulbeurte met 157 vir agt paaltjies afgesluit.
- Sport24