Proteas begin toetsreeks sukkel-sukkel
2010-06-11 05:22
Port of Spain - Gietende reën en drie paaltjies plat is 'n groot terugslag vir Suid-Afrika in die eerste toets teen die Windies.
Graeme Smith het die loot gewen en gekies om eerste te kolf.
Die Suid-Afrikaners het 70-3 aangeteken in hul eerste kolfbeurt toe swak lig spel gestaak het op die eerste dag by die Queen's Park Oval.
Slegs 34 boulbeurte was moontlik in die meer as twee uur van spel.
Smith het 'n vennootskap van 55 saam met Alviro Petersen aangeteken toe spel vier en 'n half uur laat begin het weens die weer.
Smith is uitgevang in die agtste boulbeurt na tee.
Die Suid-Afrikaners is toe nog 'n groot slag toegedien toe Hashim Amla vir twee lopies uitgevang is.
Petersen is kort daarna been voor paaltje betrap.
Bly op hoogte van al die jongste sportnuus deur Nuus24Sport op Twitter te volg.
- AP