Protea-kaptein beseer

2010-02-12 20:36

Kolkata – Kommer heers in die Proteas-kamp nadat Graeme Smith sy vinger twee dae voor Suid-Afrika se tweede en beslissende toets teen Indië beseer het.

Smith het die pinkie van sy regterhand tydens die Proteas se veldwerkoefening by Eden Gardens in Kolkata beseer.

X-strale het nie ‘n fraktuur gewys nie, maar Smith is nogtans vir 'n skandering gestuur om vas te stel hoe ernstig die ligamente in sy vinger beseer is.

Sondag se toets begin reeds om 06:00 Suid-Afrikaanse tyd en krieketgeesdriftiges kan die telling regstreeks op Nuus24 se telbord volg.

- Sapa
 

Gee jou mening oor hierdie gesprek - lewer hieronder kommentaar