Pietersen krap kop oor kolfvertonings
2010-02-20 02:18
Londen - Kevin Pietersen het die voormalige Engelse afrigter Duncan Fletcher gevra om hom te help om vas te stel hoekom sy kolfvertonings so verswak het.
Pietersen het 56 lopies in sy laaste vyf kolfbeurte aangeteken en soek foute in die tegniek wat hom 'n kolfgemiddeld van 50.18 lopies in 55 toetswedstryde besorg het.
Pietersen het Fletcher verlede week gekontak en sy voormalige afrigter het ingestem om na sy spel op televisie te kyk.
Hy het gesê: "Fletcher het gesê, 'Ek sal kyk en jou direk daarna bel'."
Die 29-jarige het aan die kriekettydskrif The Wisden gesê Andy Flower, die Engelse se afrigter, is bly om sy voorganger betrokke te hê.
– Sapa-AP