Philander terug vir reeks teen Pakistan
2013-01-20 14:44
Johannesburg – Die Suid-Afrikaanse ster-bouler Vernon Philander sal sy terugkeer tot die Proteas-span maak vir die eerste toets teen Pakistan.
Dié toets word vanaf 1 Februarie op die Wanderers in Johannesburg gespeel.
"Ons het 'n volle stem van vertroue gegee aan die span van 13 wat diens gedoen het in die onlangse Sunfoil-reeks teen Nieu-Seeland," het Andrew Hudson, die sameroeper van die keurkomitee, gesê.
Hudson het gesê Rory Kleinveldt en Jacques Rudolph sal weer instaan met die bal en kolf indien dit nodig is.
Daar is op die oomblik ook nie enige bekommernisse oor beserings nie, het hy gesê.
"Ons is baie gelukkig met Rory se vertoning teen Nieu-Seeland toe Vernon uitgeval het, terwyl Jacques ons
Die tweede en derde toetse word op Nuweland en SuperSportpark in Centurion gespeel.
Só lyk die Proteas se toetsspan: Graeme Smith (kaptein), Hashim Amla, AB de Villiers, Faf du Plessis, Dean Elgar, Jacques Kallis, Rory Kleinveldt, Morne Morkel, Alviro Petersen, Robin Peterson, Vernon Philander, Jacques Rudolph, Dale Steyn.
– Volg Nuus24 op Twitter
- SAPA
