Philander gereed vir aksie
2013-01-01 14:10
Kaapstad – Vernon Philander, 'n belangrike deel van die Suid-Afrikaanse boulaanval, is fiks en gereed om te speel wanneer die Proteas se reeks van twee toetse teen Nieu-Seeland Woensdag in Kaapstad begin.
“Met die begin van 'n nuwe toetsreeks, is jou spelpatroon altyd baie belangrik, en vanuit 'n boulperspektief het Vernon 'n belangrike rol om in die aanval te speel,” het die Proteas se kaptein, Graeme Smith, Dinsdag gesê.
“Om hom fiks te hê is belangrik – nie net omdat hy vir ons paaltjies neem nie, maar omdat hy ook ander rolle vervul wat noodsaaklik is vir die sukses van die span. Hy het goed gedoen met sy fiksheidstoets, en as hy nie oornag styf raak nie is hy gereed om te speel.”
Smith het bevestig dat die res van die span fiks is, en dat almal gereed is om te speel.
“Ons het onlangs teen Nieu-Seeland, in Nieu-Seeland gespeel, en dis nie so maklik soos almal dink nie. Jy moet steeds uitgaan en die spel speel,” het hy gesê.
“As ons kan wen – en goed kan wen – wel, dis wat ons hier is om te doen."
– Volg Nuus24Sport op Twitter.
- SAPA
