Philander gee reuse-sprong op ranglys

2012-03-30 12:00

Kaapstad – Die Suid-Afrikaanse krieketspelers AB de Villiers en Vernon Philander het die Internasionale krieketraad (IKR) se toetsranglys geklim ná die Proteas se reeksoorwinning oor Nieu-Seeland.

De Villiers, wat twee vyftigtalle teen die Black Caps aangeteken het, het vier plekke geklim om vir die eerste keer in sy loopbaan die top-posisie vir kolwers te beklee.

Hy deel die nr.1-plek met Australië se kaptein, Michael Clarke. Albei kolwers het 821 punte.

Intussen het Jacques Kallis een plek teruggesak na die derde posisie terwyl Hashim Amla, die enigste ander Suid-Afrikaanse kolwer in die top-10, twee plekke geklim het tot die agste posisie.

Die snelbouler Vernon Philander het 'n ongelooflike 11 plekke gespring tot die vyfde posisie op die ranglys vir boulers.

Dale Steyn is steeds in die top-posisie met Morné Morkel in die tiende plek.

Vir die jongste sportnuus volg Nuus24Sport op Twitter.

– Sport24