Peterson duurste Protea op IPL-veiling

2012-02-07 12:20

Kaapstad – Die Proteas se draaibouler Robin Peterson het die hoogste bod ontvang van die 29 Suid-Afrikaners wat op die Indiese Premierliga (IPL)-veiling in Bangalore bekendgestel is.

Volgens die New Age-webtuiste is Peterson Maandag deur die Kolkata Knight Rriders vir $100 000 (byna R800 000) opgeraap.

Kolkata het ook $50 000 (byna R400 000) vir Marchant de Lange aangebied terwyl die veteraan Herschelle Gibbs vir dieselfde bedrag deur die Mumbai Indians bekom is.

Peterson, De Lange en Gibbs sluit aan by Albie Morkel, Wayne Parnell, Colin Ingram, Graeme Smith en Jacques Kallis, wat voor die aanvang van Dinsdag se veiling reeds deur die IPL gekontrakteer is.

Vanjaar se toernooi vind plaas vanaf 4 April tot 27 Mei.

Top-spelers wat nog geen aanbod van enige IPL-spanne gekry het nie:

James Anderson (ENG)

Graeme Swann (ENG)

Tamim Iqbal (BAN)

Ian Bell (ENG)

Owais Shah (ENG)

Venkatsai Laxman (IND)

Matt Prior (ENG)

Mark Boucher (RSA)

Lonwabo Tsotsobe (RSA)

Vernon Philander (RSA)

Steven Smith (AUS)

Ravi Bopara (ENG)

Peter Siddle (AUS)

Kevin O'Brien (IRL)

Jacob Oram (NZL)

Vir die jongste sportnuus volg Nuus24Sport op Twitter.

– Sport24