Petersen gretig om vir Proteas 'n slag te slaan
2012-01-01 16:50
Kaapstad – Alviro Petersen, kaptein van die Leeus, sê hy is so opgewonde om vir die Proteas te speel in die derde en laaste toets teen Sri Lanka dat hy selfs as nommer 11 sal kolf.
"Ek is net so bly om terug in die span te wees dat ek nie omgee waar ek kolf nie," het Petersen Sondag gesê ná hy opgeroep is om Suid-Afrika se toporde te help.
"Ek sal op enige posisie kolf van een tot 11 – solank ek vir Suid-Afrika speel."
Suid-Afrika en Sri Lanka is gelykop na beide spanne een toets gewen het, maar die tuisspan is angstig om sy eerste toetsreeksoorwinning by die huis sedert November 2008 te wen wanneer hy Saterdag teen die besoekers te staan kom.
Petersen is aan die begin van die seisoen uit die groep gelaat ten gunste van Jacques Rudolph, wat nie langer geïgnoreer kon word nie ná sy onlangse vertonings.
Rudolph kon egter nie daarin slaag om sy posisie te konsolideer nie, en het teleurstellend teen Australië gevaar.
Petersen, wat laas 'n toets teen Indië in Kaapstad gespeel het 'n jaar gelede, het die afgelope paar maande goed gevaar, met 'n telling van 103 vir Suid-Afrika A teen Australië in vroeg November.
"Ek speel die laaste ruk goed en ek wil graag daarop voortbou," het Petersen said.
– Volg Nuus24 op Twitter.
- SAPA