Morkel haal IKR-topspan
2012-09-14 22:59
Colombo – Die Proteas-snelbouler Morné Morkel is die enigste Suid-Afrikaner wat vir die Internasionale Krieketraad se eendagspan van die jaar gekies is.
Indië se paaltjiewagter, Mahendra Singh Dhoni, is as kaptein van die span aangewys.
Dit is die vyfde agtereenvolgende jaar wat Dhoni dié groep haal.
Engeland se kaptein, Alistair Cook, en Indië se Gautam Gambhir is die aanvangskolwers vir die span.
“Dit was verskriklik moeilik om hierdie span te kies, maar ons voel dat die groep genoeg krag het om tot by die lae-orde te kan kolf terwyl ons ook ‘n goeie verskeidenheid boulers gekies het,” het Clive Lloyd, voormalige kaptein van Wes-indië en die voorsitter van die IKR se keuringspaneel, gesê.
Die IKR se eendag-span van die jaar:
Gautam Gambhir (Indië), Alastair Cook (Engeland), Kumar Sangakkara (Sri Lanka), Virat Kohli (Indië), Mahendra Singh Dhoni (Indië, paaltjiewagter/kaptein), Michael Clarke (Australië), Shahid Afridi (Pakistan), Morne Morkel (Suid-Afrika), Steven Finn (Engeland), Lasith Malinga (Sri Lanka), Saeed Ajmal (Pakistan). 12de man - Shane Watson (Australië)
Vir die jongste sportnuus volgens Nuus24Sport op Twitter.
- Reuters
