Maagvirus by T20-toernooi moontlik weens water
2012-09-24 17:02
Colombo – Organiseerders van die Twintig20-Wêreldtoernooi het ‘n nuwe verskaffer vir gebotteleerde water gekry en het gevra dat voedselinspekteurs ondersoek instel oor die maagvirus wat by die toernooi versprei het, het beamptes Maandag gesê.
Verskeie spelers van Nieu-Seeland, Ierland, Suid-Afrika en Australië is glo sedert hul aankoms in Sri Lanka behandel. Tim Southee van Nieu-Seeland moes in die hospitaal behandel word vir dehidrasie.
‘n Woordvoerder van die Internasionale Krieketraad (IKR) sê die tipe gebotteleerde water wat tot dusver in die toernooi deur spelers en beamptes gebruik is, is vervang.
“Alhoewel daar geen bewyse is dat water die oorsaak van enige siekte was nie, is die produk wat gebruik was vervang,” het die woordvoerder gesê.
Volgens ‘n bron van Sri Lanka wat verbind is met die toernooi het gesondheidinspekteurs die kos ondersoek wat aan die spelers gegee is, maar het niks fout gevind nie.
“As ‘n hele span, of ten minste ‘n meerderheid, siek word, kan ons aanvaar daar is iets fout in die kos- en drankiedepartement,” het die bron gesê.
“Slegs ‘n paar spelers is geraak.”
Geen amptelike klagtes is deur enige van die spanne ingedien nie, het hy bygevoeg.
– Vir die jongste sportnuus volg Nuus24Sport op Twitter
- Sapa - AFP
