Krieketspelers vas oor weddery

2010-05-18 11:13

Bridgetown - Die krieketspeler Danish Kaneria van Pakistan is die afgelope naweek, ná ’n ondersoek na kits-weddery in krieket, in hegtenis geneem.

Kaneria én Mervyn Westfield, een van sy spanmaats by die Engelse klubspan Essex, is in hegtenis geneem na ‘n polisie ondersoek wat spesifiek op dié vorm van weddery fokus.  Albei spelers is later op borgtog vrygelaat.

Die twee spelers het blykbaar verlede jaar in September weddenskappe aangegaan in ‘n wedstryd teen Durham.

Tans is kits-weddery, waar daar op spesifieke aksies en beslissings in 'n wedstryd gewed word, ’n groot probleem, aangesien die uitslag van die wedstryd nie beïnvloed hoef te word nie.

Kaneria het vroeër vanjaar gesê hy is geskok oor die aantygings dat hy by kits-weddery betrokke is.

“Ek het niks verkeerd gedoen nie,” het Kaneria bygevoeg.

Bly op hoogte van al die jongste sportnuus deur Nuus24Sport op Twitter te volg.

- Sport24 

Gee jou mening oor hierdie gesprek - lewer hieronder kommentaar