Krieket weer by Wanderers
2009-08-12 11:49
Johannesburg – Suid-Afrika se voorste krieketstadion, die Wanderers, gaan drie wedstryde tydens die Engeland-toer later vanjaar huisves.
Dít volg nadat die dispuut tussen Krieket Suid-Afrika (KSA) en die Gautengse Krieketraad (GKR) opgelos is.
Die Wanderers sou gedurende die toer ’n Twintig20- en eendagwedstryd en ’n toets huisves.
Dít was onttrek nadat die dispuut tussen KSA en die GKR losgebars het.
Adv. Brian Currin, ‘n bemiddelaar wat deur dr. Makhenkesi Stofile, minster van sport, aangestel is, het Woendag aangekondig dat die wedstryde in Johannesburg weer sal voortgaan.
KSA en die GKR het op ‘n program wat op transformasie gemik is, ooreengekom asook die wysiging van die GKR se grondwet en transformasie-verdrag.
– Sapa