Knoeiery: SA wedstryde dalk ondersoek
2010-08-30 16:43
Kaapstad – Twee wedstryde teen Suid-Afrika kan dalk ondersoek word ná bewerings dat sowat 80 Pakistanse krieketwedstryde “verdag” voorgekom het, berig Sport24.
Dit kom nadat Mazhar Majeed, ‘n Britse eiendomsontwikkelaar en sportagent, die afgelope naweek in hegtenis geneem is.
Majeed is in hegtenis geneem nadat hy glo die vierde toets tussen Engeland en Pakistan by Lord’s gemanipuleer het.
Die Londense koerant The Daily Telegraph se webtuiste het Maandag berig dat die Internasionale Krieketraad se anti-korrupsie-eenheid Pakistan se wedstryde sal bestudeer.
Al 82 toetse of eendag-wedstryde wat deur Pakistan gespeel is in die periode wat Majeed beweer het dat hulle gemanipuleer word, sal ondersoek word.
Lees meer hier.
Bly op hoogte van al die jongste sportnuus deur Nuus24Sport op Twitter te volg.