Knoeiery: Drie spelers aangekla, geskors
2010-09-03 00:02
Londen - Drie Pakistanse krieketspelers is ingevolge die Internasionale Krieketraad se anti-korrupsie gedragskode aangekla te midde 'n wedstrydknoeiery-skandaal wat die krieketwêreld geruk het.
Die IKR het Donderdag gesê Salman Butt, Mohammad Asif en Mohammad Amir is in kennis gestel van die klagtes wat nie gespesifiseer is nie, maar verband hou met "beweerde onreëlmatige gedrag" tydens die vierde toets teen Engeland verlede week.
Die drie spelers is tydelik uit alle vorme van die spel geskors.
Haroon Lorgat, uitvoerende hoof van die IKR, het gesê: "Ons sal nie korrupsie in krieket duld nie" met spelers wat "tot lewenslank uit die sport geskors kan word.
"Niks sal ons stuit om die sport se integriteit te beskerm nie.'
Besonderhede van die verhoor moet nog gefinaliseer word.
- AP