Kiwi-bouler nie in eendagspan teen SA
2012-12-28 17:56
Wellington – Nieu-Seeland se Doug Bracewell is weggelaat uit die eendagspan wat drie wedstryde teen Suid-Afrika sal speel, om die naatbouler se werklas te verminder, het die Nieu-Seelandse krieketraad Vrydag in 'n verklaring gesê.
Die keurders het elf lede van die span wat die twintig20-reeks teen die Proteas met 1-2 verloor het, vir die eendagreeks behou.
"Doug [Bracewell] het 'n groot rol om te speel in die toetsreeks teen Suid-Afrika en sal voordeel trek uit die geleentheid om te rus voor die tuisreeks teen Engeland," het die Black Caps se afrigter, Mike Hesson, gesê.
Kiwi's se eendagspan vir die drie wedstryde teen Suid-Afrika (tussen 19 en 25 Januarie)
Brendon
McCullum (kaptein), Corey Anderson, Trent Boult, James Franklin, Martin
Guptill, Ronnie Hira, Mitchell McClenaghan, Nathan McCullum, Kyle
Mills, Adam Milne, Colin Munro, Jimmy Neesham, Rob Nicol, BJ Watling,
Kane Williamson.
Vir die jongste sportnuus volg
Nuus24Sport op Twitter.
- Reuters
