KSA sterker ná onstuimighede
2012-08-21 21:50
Johannesburg – Krieket Suid-Afrika (KSA) se waarnemende hoof Jacques Faul sê die organisasie is sterker ná sy onlangse onstuimige verlede.
Faul het Dinsdag gesê dat die bonus- en administrasie-skandaal, wat in die skorsing van Gerald Majola ontaard het, die organisasie geskud het, maar dat hy in die langtermyn die vrugte sou pluk.
“In my opinie is ons nou sterker ná ons uitdagings,” het Faul in ‘n verklaring gesê wat deur www.sportindustry.co.za vrygestel is.
“Ons glo ons is nou ‘n beter organisasie ná wat ons alles deur is.”
Faul het bygevoeg dat die Proteas nou gaan probeer om bekers te wen ná hul reeksoorwinning in Engeland hulle die eerste posisie op die wêreldranglys besorg het.
Die Proteas het nog nooit verder as die halfeindronde van die Krieket Wêreldbeker gevorder nie, ‘n statistiek wat Faul graag sal wil verander.
“So baie as wat ons goeie konstante krieket speel, moet ons ondersoek instel oor hoekom ons nie internasionale toernooie wen nie.”
“Dit sal lekker wees om met die rugbybase, wat al twee keer die wêreldbeker gewen het, te gaan sit en te kyk wat hulle anders doen.”
Faul en die KSA gaan saam die Suid-Afrikaanse Rugbyunie, wat deur hul hoof Jurie Roux verteenwoordig word, en die Suid-Afrikaanse Sokkervereniging, wat deur hul hoof Robin Petersen bygetsaan word, ‘n debat voer by die Sport Industrie Beraad in Oktober.
Faul, Roux en Petersen gaan saam op die verhoog wees met die doel om Suid-Afrikaanse sport deur samewerking te verbeter.
“Dit is belangrik dat al die sportkodes saam werk, veral die drie grotes; rugby, sokker en krieket,” het Faul gesê.
“Ons het almal dieselfde uitdagings en ons het die geleenthede om by mekaar te leer.”
– Volg Nuus24Sport op Twitter
- SAPA
