KSA gaan nie stappe teen Parnell neem
2012-07-31 12:49
Johannesburg – Die Proteas se snelbouler Wayne Parnell sal waarskynlik nie deur Krieket Suid-Afrika (KSA) gestraf word nie ná hy glo dwelmmiddels in Indië gebruik het.
Jacques Faul, waarnemende hoof van KSA, het Maandag gesê dat die sport nasionale beheerliggaam nog nie enige kennisgewing van die Indiese Krieketbeheerraad (BCCI) of die Indiese polisie gekry het nie. Geen klagtes is teen die krieketspeler gelê nie.
“Om stappe teen Wayne te neem is op die oomblik onmoontlik want die hele proses in Indië was nog net skokkend,” het Faul gesê.
“Die polisie praat met die media, maar nie met die krieketraad nie. Die hele dwelmtoets-prosedure was nie volgens standaarde wat ons normaalweg vir sport gebruik nie en Wayne sal teen enige stappe wat ons wil neem appèl kan aanteken.”
Parnell en die Indiese krieketspeler Rohit Sharma, albei lede van die Indiese Premierliga span Pune Warriors, was deel van ‘n groep van 90 mense wat deur polisie aangehou was ná hul ‘n klopjag op ‘n partytjie uitgevoer het en dwelms op van die mense gekry het.
Hulle altwee is weer vrygelaat ná hul urine en bloed getoets was.
Beide Parnell en Sharma het ontken dat hulle enige dwelms gebruik het.
“Ek was op die verkeerde plek op die verkeerde tyd,” het Parnell n á die voorval gesê.
“Ek was kalm want ek het geweet ek het niks verkeerd gedoen nie.”
– Volg Nuus24Sport op Twitter
- SAPA
