Jonty Rhodes brei Kenia vir WB
2011-01-18 15:39
Nairobi - Die voormalige Proteas-ster Jonty Rhodes sal Kenia se krieketbreier wees tydens die Wêreldbeker-toernooi in Indië, Sri Lanka en Bangladesj.
Rhodes het verlede jaar in November saam met die span begin werk tydens ‘n drie week lange oefenkamp in Pretoria. Hy word dié week in Nairobi verwag om by die span aan te sluit wat tans in Indië toer.
Tom Sears, Krieket Kenia (CK) se uitvoerende direkteur, het gesê dié voormalige Proteas-uitblinker sal die span lei tydens hul finale voorbereidings vir die Wêreldbeker-toernooi. Hulle vertrek 30 Januarie na ‘n oefenkamp in Doebai.
“Jonty sal ‘n groot aanwins wees vir die span tydens ons finale voorbereidings,” het Sears gesê.
“Ons doen alles moontlik om ons span in ‘n posisie te plaas waar hul potensiaal bereik kan word. Jonty se betrokkenheid sal ‘n groot hupstoot aan ons planne gee,” het hy bygevoeg.
Die eerste Wêreldbeker-bal word op 19 Februarie geboul.
Vir die jongste sportnuus volg Nuus24Sport op Twitter.
- Sport24
- Sapa - AFP