Jacques Kallis bo in die toetswêreld

2012-11-20 12:47

Johannesburg – Die veteraan Jacques Kallis is terug in die eerste posisie op die Internasionale krieketraad (IKR) se toetsranglys, wat Dinsdag uitgereik is, vir veelsydige spelers.

Kallis, wat 147 en 49 lopies in sy twee beurte by die Gabba in die onbesliste eerste toets teen Australië aangeteken het, het Shakib al Hasan van Bangladesj verbygesteek om die eerste plek te beklee.

Dale Steyn en Vernon Philander is onderskeidelik eerste en tweede op die toetsranglys vir boulers terwyl Morné Morkel in die negende plek is.

Hashim Amla is steeds in die tweede posisie agter Kumar Sangakkara op die kolwers se ranglys.

Kallis is die derde gekeurde kolwer met AB de Villiers (6) en Graeme Smith (10) wat ook in die top-10 is.

Die tweede toets tussen Australië en Suid-Afrika begin Donderdag in Adelaide.

Vir die jongste sportnuus volg Nuus24Sport op Twitter.

- SAPA