Hughes vervang uitgetrede Ponting

2012-12-06 07:00

Perth, Australië –  Die Australiese aanvangskolwer Phil Hughes is ingesluit in die Australiese span om die uitgetrede Ricky Ponting te vervang vir die toetsreeks teen Sri Lanka.

Die 24-jarige Hughes is bo  Usman Khawaja, Rob Quiney en Alex Doolan verkies as kolwer vir die toets wat op 14 Desember in Hobart begin.

Ponting het Maandag ná die span se laaste toets teen die Proteas uitgetree.

Hughes het sedert verlede jaar se skoknederlaag teen Nieu-Seeland in Hobart nog nie weer vir die nasionale span gespeel nie.

John Inverarity, voorsitter van die keurkomitee, het gesê Hughes se ouderdom was 'n faktor in die keurproses.

– Volg Nuus24Sport op Twitter

- SAPA