Graeme Smith kry groen lig
2010-04-12 18:51
Johannesburg – Graeme Smith, kaptein van die Proteas, het toestemming gekry om weer te begin oefen ná ‘n vingerbesering hom uit die Indiese Premierliga (IPL) gehou het.
Volgens Dr. Mohammed Moosajee, die Proteas se spanbestuurder, is die mediese span tevrede dat Smith ten volle herstel het.
Smith word nou toegelaat om te oefen en voor te berei vir die ICC Twintig20-wêreldtoernooi in die Karibiese eilande, wat in April begin, asook die Suid-Afrikaanse toer van Wes-Indië wat daarop volg.
“Graeme het verlede week ‘n ligte koors gehad, maar hy sal gereed wees om Woensdag te begin oefen,” het Moosajee bygevoeg.
- Sapa