Gary oorweeg boulopsies

2013-01-19 07:56

Kaapstad – Suid-Afrika se volgende agt eendagwedstryde teen Nieu-Seeland en Pakistan sal as “proewe” gebruik word om die beste moontlike boulaanval voor vanjaar se Kam­pioenetrofee-toernooi in Engeland te vind.

Gary Kirsten, breier van die Proteas, het volgens Sport24 bevestig dat hy sy boulers sal  roteer tydens die eendag-krieketreeks teen die Kiwi’s.

“Al die boulers behoort speelkans in die reeks te kry. Ek wil veral die toetsboulers vars hou,” het hy volgens Sport24 gesê.

Die Proteas kom Saterdag in die eerste van drie eendagwedstryde teen Nieu-Seeland te staan. Die wedstryd vind op Bolandpark in die Paarl plaas. Die nasionale span sal daarna vyf eendagwedstryde teen Pakistan in Maart speel.

Kirsten het benadruk dat hy die sterkste boulers in toetskrieket gebruik, maar hy het ook gesê die korter weergawes van die spel bied hom 'n geleentheid om te eksperimenteer.

“Dit gee egter vir ons die geleentheid om ander boulers in die korter weergawes speelkans te gee,” het hy gesê.

– Lees hier meer.

– Volg Nuus24Sport op Twitter.