Dyspier pla Philander

2012-12-21 08:47

Kaapstad – Die Cape Cobras het 'n terugslag beleef in hul vierdag-kragmeting met die Titans toe die naatbouler Vernon Philander 'n dyspierbesering opgedoen het.

Philander moes Woensdag ná slegs vyf boulbeurte in die Sunfoil-kragmeting op Nuweland die veld verlaat.

"Mediese toetse toon dat Vernon 'n graadeen-skeur aan sy linkerdyspier het. Beserings van die aard neem gewoonlik 10 tot 14 dae om te genees."

"Ons sal die besering dophou om sy beskikbaarheid vir die toetsreeks teen Nieu-Seeland te bepaal. Hy sal egter nie verder vir die Cobras boul nie, maar kan wel kolf as dit nodig is," het Moosajee gesê.

Die Titans het 192 lopies in hul eerste beurt aangeteken, met die Cobras wat die dag op 132/0 geëindig het.

Vir die jongste sportnuus volg Nuus24Sport op Twitter.

– Sport24