Duminy: Taktiek die sleutel
2009-11-25 16:39
Kaapstad - Die Proteas was verras en teleurgesteld ná hul nederlaag Sondag teen Engeland, maar glo hulle het die vermoë om dinge in die derde toets om te keer.
Die Proteas en Engeland sê mekaar Vrydag op Nuweland die stryd aan.
Een van die sterre in die span JP Duminy het Woensdag erken dat die Proteas net nie genoeg lopies aangeteken het nie.
"'n Paar van ons het lopies gekry, maar het net nie deurgedruk nie."
Duminy het gesê die Proteas het 'n uitstekende rekord op Nuweland.
"Hopelik kan ons eerste kolf en 'n goeie telling op die bord sit om druk op Engeland te sit. Statistiek toon dat die span wat gewoonlik eerste kolf die wedstryd wen, maar ons het ook al hier (op Nuweland) gewen as ons tweede kolf."
"Die sleutel teen Engeland is om ander taktiek te hê. Hulle het hul huiswerk gedoen en ons moet ons s'n ook doen," het Duminy gesê.
Stuart Broad wat na die Engelse span teruggekeer het ná 'n skouerbesering die Proteas se teiken gaan wees.
"Hy is 'n goeie speler en het baie goed vertoon oor die afgelope paar jaar. Hy is definitief iemand vir wie ons moet oppas."
– Sapa