Druk op Aussies in Brisbane
2012-11-11 11:57
Brisbane – Sterk vertonings deur Jacques Kallis en Hashim Amla, wat elk 'n honderdtal aangeteken het, het Suid-Afrika gehelp om spel op die derde dag van die Proteas se eerste toets teen Australië te oorheers.
Suid-Afrika se boulers het boonop vroeg toegeslaan, en 'n sukkelende Australië het teen die einde van die derde dag van spel op 111 vir die verlies van drie paaltjies te staan gekom.
Die besoekers het met slegs tien kolwers 'n totaal van 450 op die telbord gehad danksy harde werk deur Kallis, wat 147 lopies aangeteken het, en Amla, wat eers op 104 lopies terug pawiljoen toe gestuur is.
Die Proteas se boulers het daarna klaargespeel met David Warner (4), Rob Quiney (9) en Ricky Ponting (0).
Ed Cowan, met 49 nie uit nie, en Michael Clarke, wat op 34 staan, het hul bes gedoen om die tuisspan weer op dreef te kry.
– Vir die jongste sportnuus volg Nuus24Sport op Twitter.
- Sapa - AP
