Datums bekend vir Proteas teen Aus

2011-05-06 12:50

Kaapstad - Krieket Suid-Afrika het Vrydag die datums vir die Proteas se wedstryde teen Australië en Sri Lanka vir die 2011/12-seisoen bekendgemaak.

Australië sal twee toets-, drie eendag- en twee t20-wedstryde in Oktober en November in Suid-Afrika speel.

Terwyl Sri Lanka in Desember en Januarie die Proteas in drie toets- en vyf eendagwedstryde aandurf.

Dit sal die eerste keer sedert 2002 wees wat Sri Lanka vir 'n volwaardige kriekettoer na Suid-Afrika reis.

Die Proteas sal hul seisoen met 'n toer na Nieu-Seeland afsluit.

Kaartjies vir die reekse teen Australië en Sri Lanka sal landwyd vanaf 1 September vanaf 09:00 te koop wees.

Kliek hier vir die volledige program.

Vir die jongste sportnuus volg Nuus24Sport op Twitter.

- Sport24