Cook verpletter SA rekord

2009-10-25 17:32

Johannesburg - Die aanvangskolwer van die Highveld Lions Stephen Cook het 'n nuwe Suid-Afrikaanse rekord opgestel vir die meeste lopies in 'n eersteklas-kolfbeurt toe hy 390 lopies in die laaste dag van die SuperSport-reeks teen die Warriors in Oos-Londen aangeteken het.

Darryl Cullinan het 16 jaar gelede met 'n onoorwonne 337 lopies dié eersteklas-kolfrekord opgestel.

Die 26-jarige kolwer het 648 balle vir dié totaal gemoker en was 14 uur op die kolfblad.

Cook se kolfbeurt het 53 ongelooflike grenshoue en 'n ses ingesluit om 190 lopies meer as sy vorige loopbaanbeste van 'n onoorwonne 200 aangeteken het.

Dié kolfbeurt is die 12de hoogste in eersteklas-krieket en die beste ter wêreld nadat Brian Lara 'n onoorwonne 400 lopies vir die Wes-Indiese Eilande teen Australië in die 2003-04 seisoen aangeteken het.

Die Warriors-kaptein Johan Botha het hom been voor paaltjie betrap in die finale kolfbeurt van die wedstryd.

– Sapa