Cobras, Lions in Eendagbeker-eindstryd

2012-12-10 11:05

Kaapstad –  Die Cape Cobras het tot die eindstryd van die Eendagbeker-reeks deurgedring toe hulle die Titans Sondag op Nuweland met drie paaltjies geklop het. 

Die tuisspan het die wentelling in die 47ste beurt aangeteken, nadat die Titans 241 vir 9 in hul 50 beurte op die telbord gehad het, het OFM Maandag berig. 

Justin Ontong, kaptein van die Cobras, het met die kolf uitgeblink en 82 lopies van 81 balle gemoker, terwyl die Proteas se snelbouler Dale Steyn vroeër die dag vyf paaltjies geneem het. 

Die Cobras kom in Vrydag se eindstryd teen die Highveld Lions op die Wanderers in Johannesburg te staan.

Vir die jongste sportnuus volg Nuus24Sport op Twitter.

– OFM