Aussies se paaltjies kantel in Perth

2012-12-01 07:36

Perth – Die Proteas se boulers het Saterdag met mening teruggeslaan op die tweede dag van die derde en laaste toets teen Australië in Perth.

Met 'n eerstebeurt-telling van slegs 225 nadat Graeme Smith die loot gewen en besluit het om eerste te kolf, het die Proteas Saterdag vroeg vier paaltjies platgetrek om Australië se toporde te laat steier.

Die Aussies was met die aanbreek van die etenspouse op 118/7 met die paaltjiewagter Matthew Wade wat sover die meeste weerstand kon bied.

Wade (63*) is tans in 'n vennootskap met John Hastings (3) om die agste paaltjie.

Dale Steyn was goed op dreef in die oggendsessie met boulsyfers van 4/37.

Vir die jongste sportnuus volg Nuus24Sport op Twitter.

– Sport24